DAVAO CITY – Moabot sa kinatibuk-ang saysentay kuwatro ka mga highly skilled police officers ang ming-graduate sa Special Weapons and Tactics (Swat) advance course huamn ang halos tulo ka bulan nga pagbansaybansay sa Police Regional Office (PRO) Eleven.
Highlight sa nahisgutang okasyon ang pagpakita sa exhibition ug operational readiness aron pakigbatok ang terorismo, kiminalidad ug uban pang matang sa mga security threats ngadto sa publiko.
Ang nahisgutang mga graduates nagsugod sa ilang training niadtong nakalabay nga Agusto 10 niining tuig kasamtangan.
Mipa-ilalom sila sa daghanang mga trainings aron mas mapalambo pa ang ilang kahanas ug katakos sa pagtubag sa tanang matang sa security challenges.
Ang nahisgutang mga SWAT officers nga magsilbi isip tactical support component ang nagbaton ug mga kahanas sa pag-atubang sa mga hulga ug pagdumala sa mga sitwasyon nga labaw sa kapabilidad sa usaka ordinaryong police personnel.
