DAVAO CITY – Human ang pagbalik sa Philippine National Police (PNP) sa drug war, nakatala ang Davao City Police Office (DCPO) ug 60 operations ug 68 arrests sa mga indibidwal nga nalambigit sa ginadili nga droga sulod pa lamang sa Enero 31.
Matud pa kang Police Senior Inspector Ma. Teresita Gaspan, DCPO spokesperson, gawas sa drug busts gipatuman sab nila ang search warrant ug warrant of arrest.
Tumong sumala pa niini nga hingpit ng matapos ang mga gigikanan sa ginadili nga droga ug magmalampuson sila sa ilang operasyon kaabag ang Philippine Drug Enforcement Agency dinhi sa rehiyon.
Gitataw sab sa opisyal nga kadtong wala nagpa-enroll sa ilang Community-based Rehabilitation and After-Care Program (CBRAP), ila sumala pa kining target sa ilang bag-o nga kampanya.
Nasayran sab kang Gaspan nga subay sa ilang updated drug list, aduna sumala pay mga bag-ong indibidwal nga nalambigit sa ginadili nga droga.
