Gipasidunggan sa 10th Infantry (Agila Division) Phil,.Army ang mga personahe niini nga mga kababaenhan atol sa Valentine’s Day Appreciation Activity
Sa usa ka makahulugang pagsaulog sa Valentine’s Day, gipanungahan ni Major General Alvin Luzon, Kumander sa 10th Infantry (Agila) Division, kauban ang ubang mga opisyal sa 10ID, ang pagpanghatag og mga bulak ug tsokolate aron pasidunggan ang mga babayeng sundalo ug sibilyan nga gikan sa human resources sa Dibisyon atol sa espesyal nga Commander’s Time nga gihimo sa Agila Hall, Camp General Manuel T. Yan Sr.
Gipahigayon si Maj. Gen. Luzon ang open dialogue nga naghatag og kahigayunan sa mga babayeng personahe sa pagpadayag sa diretso sa ilahang mga kabalaka ug mga rekomendasyon.
Ang maong panaghisgot nagpakita sa lig-on nga pasalig sa Command sa matinubagon nga liderato ug kaayohan sa mga personahe.
Atol sa maong kalihokan gipanghatagan og mga bulak ug tsokolate ang tanang babayeng personahe nga naka-uniporme ug gikan sa Civilian Human Resources (CHR) isip timaan sa pagpasalamat, pagrespeto, ug pag-ila sa ilang bililhon nga serbisyo sa Agila Division isip kabahin sa pagsaulog sa Valentine’s Day.
Aron dugang nga ipadayag ang pasidungog, mibisita usab ang Kumander sa mga post units ug sa 10th Station Hospital aron personal nga ipanghatag ang mga bulak ug tsokolate sa mga babayeng sundalo sa tibuok kampo, nga nagpasidungog sa ilahang dedikasyon ug serbisyo.
Ang maong inisyatiba nagpakita sa padayon nga pasalig sa 10ID sa katakos sa matag-usa, pagpalambo sa moral, ug pagpatubo sa kultura sa respeto ug panaghiusa sulod sa organisasyon.
