Miabot sa kapin libo ka mga aspirants ang miduso sa ilahang Certificate of Candidacy, diin ang maong ihap gikan sa kinatibuk-an sa Davao Region COMELEC XI, alang sa umalabot nga 2025 Midterm Elections.
Matud pa ni COMELEC XI Assistant Director Atty. Gay Enumerables, gikanayon niini dili na kini maghatag ug pagtugot labot sa mahitabong substitution pag-abot sa November 15, gumikanan kinahanglan na matud pa nga mamahimong pinal na ang mga listahan aron ma imprinta na kini sa balota.
Dugang pa niini nga aduna lamang duha ka posibleng angay nga mahitabo nga pagatugutan ang substitution, mao ang kamatayon ug disqualification sa usa ka kandidato.
Gitataw niini nga og mamatay ang usa ka kandidato, ang partido na sumala pa niini ang mangita ug pamaagi aron mamili og si kinsa ang angayang ihulip nila, diin maoy ilahang padanganon sa nabakantehang posisyon.
Apan ang substitution maoy mamahimo lamang nga maangkon alang ngadto sa mga kandidatong adunay partido ug walay labot ang mga independent.
