DAVAO CITY – Gipahibalo ni Public Safety and Security Command Center (PSSCC) chair Benito De Leon nga dili nila babagan ang mga apektadong pamilya sa Marawi City nga moadto dinhi sa dakbayan aron nga mobisita sa ilang mga paryente.
Hinuon gikanayon ni De Leon, nga wala pa silay nadawat nga report nga adunay mga evacuees nga gikan sa Marawi ang miadto karon sa dakbayan apan kanunay sumala pa sila nga magbinantayon sa ilang madawat nga impormasyon gikan sa security agencies.
Gitino sab ni De Leon nga magpadayon ang istrikto nga checkpoint operations sa dakbayan aron masiguro ang seguridad sa katawhan.
Kahinumduman nga una ng gibutyag ni Davao City Mayor Sara Duterte-Carpio, nga andam ang dakbayan sa pagdawat sa mga evacuees bisan unsang orasa.
