DAVAO CITY – Gibutyag ni Supt. Jake Maala ang chief sa operation sa Compostela Valley PNP nga kalakip ilang gipahigayon karon nga internal cleansing sa ilang mga sakop ang pagsubay sa mga mahalon nga kabtangan nga gipanag-iyahan sa mga nahisgutan.
Pipila niini ang mga gipanag-iyahan nga sakyanan, mga mahalon nga butang sama sa alahas, relo ug uban pa.
Matud pa sa opisyal nga nga sutaon sab nila ang SALN sa mga kapulisan aron masuta nga wala kini kadudahan nga mga propedad.
Sa kasamtangan, wala sumala pa silay nasubay nga mga PNP personnel sa Comval nga nalambigit sa mga illegal nga binuhatan.
Salig sab ang opisyal nga 99 porsyento sa mga Comval PNP ang nagtinarung sa ilang trabaho.
Kalakip sab sa bantayan karon sa opisyal ang pagpanamit sa mga kapulisan ug subayon kung aduna kini gipangsuot nga mga luxury items sa ilang kalawasan sama sa mga mahalon nga butang nga gilangkuban sa mga alahas, relo o sunglasses.
