DAVAO CITY – Nagpahimangno karon ang lokal nga kagamhanan ngadto sa mga aduna gihambin nga depresyon o mental crisis nga dili magduha-duha nga makiglambigit nga mutawag sa Hopeline and National Center for Mental Health Crisis Hotline in the Philippines diin 24/7 kini nga moserbisyo.
Tipik lamang kini human ang ulahing insidente diin naluwas sa personahe sa Davao City Police Office ang usa ka lalaki nga misulay pagkutlo sa iyang kinabuhi pinaagi sa paglukso sa Bolton Bridge ning siyudad atol mismo sa kasaulogan sa Valentines Day kagahapon.
Kahinumduman nga kulbahinam ang pagluwas sa pulis sa usa alyas John, 28 anyos kinsa mikatkat sa railings sa tulay ug paingon na nga molukso.
Kahinumdoman nga nahimong emosyonal ang nahisgutan ug dili mutubag pangutan-on kalabot sa iyang gi-atubang nga suliran.
Apan subay sa gipahigayon nga imbestigasyon, nasayran nga gibiyaan kini sa iyang asawa pinasikad usab sa iyang gihuptan nga sulat nga mahal niini ang iyang asawa ug mga anak.
Sa mga adunay suliran o depresyon, mas maayo sumala pa nga mutawag gilayon sa National Center for Mental Health Crisis Hotline pinaagi sa mga numero nga 0917-899-8727 ug 0917-899-USAP / 989-8727 / 989-USAP kini aron nga magiyahan pag-ayo sa kung unsa ang mga angayan nga himuon nga dili kinahanglan musangpot sa pagkutlo sa kinabuhi.
