Hilabihan ang kasubo sa mga fans, labi na kadtong mga Millennials ug sa mga tawo sa tibuok kalibutan, sa dihang nasayran nga patay na ang ilado nga Taiwanese actress nga si Barbie Hsu nga mas naila nga si ‘Shan Cai’ sa sikat nga Taiwanese series nga ‘Meteor Garden’ sa edad nga 48-anyos.
Kini ang gikompirma sa iyahang igsuon nga si Dee Hsu sa TVBS pinaagi sa iyahang manager nga siya nakabsan na sa kinabuhi tungod sa flu-related pneumonia samtang anaa sa usa ka bakasyon sa Japan.
Samtang sa instagram story sab sa co-star niini nga si Ken Chu o mas nailhang si Xi Men sa maong series, nagpost kini og itom nga litrato nga gisundan sa litrato usab sa grupong gitawag nga F4 gikan sa ilahang show.
Nahimong ilado ang maong aktres niadtong 2003 human nga gipagawas ang makakilig nga drama sa telebisyon dinhi sa nasud ug sa tibuok kalibutan.
