DAVAO CITY- Na-rescue pinaagi sa gipahigayong joint rescue operation sa Davao City Police Office – Women and Children’s Protection Desk, Quick Response Team for Children’s Concern ug Kean Gabriel Hotline ang ubay-ubay ka mga menor de edad ug mga Indigenous Peoples nga anaa nagpuyo sa Fly Over, Agdao ning dakbayan sa Davao.
Nakit-an ang mga nahisgutan nga nagpakilimos, gigamit ang kadalanan isip ilang tinubdan sa income samtang gigamit sab ang ilang mga anak aron manginabuhi.
Ang nahisgutang operasyon ang miresulta sa pagka-rescue sa 13 ka mga hamtong ug 8 ka mga menor de edad nga gikan sa Munisipalidad sa Talaingod, Davao Del Norte.
Temporaryong gipasilong ang nahisgutang mga lumad sa Magsaysay Park, ning dakbayan diin ihatud sila pagbalik sa ilang lugar sa Talaingod, ugmang adlawa pinaagi sa pagpaningkamot sa lokal nga panggamhanan sa Davao.
