Kabsan na sa kinabuhi, sa dihang nakaplagan ang usa ka menor de edad nga gituohang nalumos sa sapa.
Giila ang maong biktima nga si alyas Gabriel, 16 anyos, nga taga Bucana ning syudad sa Davao.
Subay sa inisyal nga imbestigasyon, gituohan sumala pa kining miuban ngadto sa iyahang mga barkada sa Purok 10-B, Lower Madapo River, niadtong nakalabayng adlaw, diin nangaligo kini og sapa.
Sumala pa ni Raffy Bayocboc, ang labaw sa BDRRMC sa Brgy.8-A, nga nakaplagan ang maong biktima pinaagi sa usa ka mananagat sa Riverside Bucana, ning syudad pasado alas 11 ang takna sa buntag kagahapong adlawa.
Kahibaloang, duha na matud pa ka adlaw ang milabay sa dihang nahitabo ang maong insidente, diin naglusad gilayonb ang mga sakop sa Barangay Disaster Risk Reduction Management Council (BDRRMC) sa maong barangay og 2-day retrieval operation.
