DAVAO CITY – Gimanduan karon ang management sa mga venues sa Meetings Incentives Conferences and Events (MICE) sa pag-file ug monthly reports ngadto sa Davao City Tourism Operations Office (DCTOO) aron tabangan ang mga plano sa lokal nga kagamhanan ug suportahan ang mga MICE programs.
Sa gipagawas nga advisory sa sa DCTOO gidasig niini ang management sa Mice venues ug sa mga gigamit nga pasilidad nga mag fill out sa Mice event notice link inig ka human sa matag event o kaha sa matag bulan.
Ang mandatory reporting gipatuman isip suporta sa Joint Memorandum Circular no. 2021-001 sa Department of Tourism ug sa Department of Health.
Ang mga gitugutang social events ang gilangkuban sa debut ug birthday parties, wedding ceremonies ug receptions, engagement parties, wedding anniversaries, family reunions, ug bridal o baby showers. Ipahigayon usab sumala pa sa DOLE, DOH, ug Health Office sa syudad ang pag-inspection sa dili pa ang kalihukan.
Mag-atubang sumala pa ug multa ang mga makasupak sa kamanduan, gawas pa sa silot nga temporary closure, pag-bawi sa DOT accreditation o hingpit nga pag-dili aron makapahigayon ug susamang mga events.
Gikumpirma usab ni DCTOO Head Generose Tecson nga mamahimong dili na i-renew ang business permit sa nga mapakyas pag-file ug report.
