DAVAO CITY – Miabot na sa Zamboanga City ang medical team nga gipadala sa lokal nga kagamhanan sa Davao City alang sa medical assistance ngadto sa mga naangol sa pagkahagsa sa C-130 plane sa Sulu niadtong adlawng Dominggo.
Gilangkuban kini sa unom ka mga doctor nga burn specialist ug surgeons. gikan sa Southeastern Philippines Medical Center nga mao sila Dr. James David (Emergency Medicine Specialist), Dr Kent Antolin (Emergency Medicine Specialist), Dr Ali Pendaliday (Orthopedic Specialsit), Dr Jikko Superioridad (General Surgeon), Dr Kalvin Estañero (Anaesthesiologist), Aljimar Kahal (Nurse) and Dr Marvie Aguro (Neuro Surgeon).
Nagdala usab sila og dugang nga medical supplies nga kinahanglanon nila alang sa mga pasyente.
Gibutyag ni Mayor Inday Sara Duterte Carpio pinaagi sa Davao City Disaster Radio nga ang mga doktor mismo ang nagpresenta nga gusto nilang mutabang sa pag-atiman sa mga naangol sa plane crash.
Sumala usab niya nga ang pagpadala sa mga volunteer medical personnel usa ka hinabang gikan sa mga Dabawenyo.
