Gimando sa Pre-Trial Chamber sa International Criminal Court (ICC) ang medical examination kang kanhing Pang. Rodrigo Duterte.
Kini aron mahibal-an ang iyang katakos nga makatambong sa pre-trial proceeding, lakip na ang confirmation of charges.
Ang maong desisyon nagsunod sa serye sa mga pag-file ug deliberasyon ilawom sa Pre-Trial Chamber I ug ang pagtudlo sa tulo kamga medical experts ni Duterte.
Ang Chamber gilangkuban sa mga Hukom nga sila si Iulia Antoanella Motoc, Reine Adélaïde Sophie Alapini-Gansou, ug María del Socorro Flores Liera.
Sila usab ang nagmando sa Registry nga maghimo og medical examination ug maghatag og kumpletong rekord sa kanhing Presidente ngadto sa panel sa tulo ka independent nga medical experts.
Ang medical panel naglakip sa forensic psychiatrist, neuropsychologist, ug geriatric ug behavioral neurologist.
Gipaabot nga maghatag kini og rekomendasyon sa bisan unsang espesyal nga pamaagi nga kinahanglan aron masiguro nga aduna’y patas ug hustong pagdungog sa kaso sa kanhing Pangulo.
Ang paghatag sa rekord sa Registry gikatakda nga mahuman sa dili pa ang Oktubre 31.
Matud pa, gipahigayon ang pagsibog sa confirmation of charges hearing niadtong Setyembre 23 tungod sa hangyo sa depensa.
