Gika-report sa Department of Health (DOH) nga mayoriya sa mga nangamatay sa leptospirosis ang nagagikan sa Metro Manila homan sa pagsaka sa kaso, gumikan sa halapad nga pagbaha dala sa milabay nga bagyong Carina ug Habagat niadtong nakalabay nga bulan.
Matod pa ni DOH Assistant Secretary Albert Domingo, 43 katawo na ang namatay gumikan sa nahisgutang sakit lakip ang 41 ka mga adults ug 2 ka mga bata.
Subay sa datos gikan Agusto 8 hangtod 13, anaa sa 523 nga mga bag-ong kaso sa leptos ang gikatala sa mga hospital sa tibuok nasud ug kini ang gilangkuban sa 423 ka mga adults ug 100 sa mga bata.
Ang nahisgutang period ang nakasulod sa duha ka semanang incubation period kung kanus-a mugawas ang mga symptoms sa sakit, gumikan sa halapad nga pagbaha.
