-- ADVERTISEMENT --
DAVAO CITY – Bisan nga wala nakatambong si Davao City Mayor Inday Sara Duterte-Carpio sa gipahigayon nga opening sa Palarong Pambansa 2019 kagahapong adlawa, aduna kini gipadala nga video presentation alang sa mga atleta ug bisita.
Sa iyang mensahe, gitambagan sa Mayor ang mga players nga kung aduna kung dili maayo ang kahimtang sa panglawas niini, ipahibalo gilayon ngadto sa delegation officers ug makiglambigit sa mga doktor.
Gitataw ni Mayor Inday nga bisan mahinungdanon ang kadaugan sa kompetisyon, mahinungdanon pa gihapon ang disiplina ug sportsmanship.
Pinakahahinungdanon nga gitambag sa alkalde ngadto sa mga kabataan nga delegado nga dili una magmenyo ug sayo ug tapuson una ang pagtuon hangtud sa kolehiyo.
