DAVAO CITY – Gi-endorso karon ni Mayor Inday Sara Duterte-Carpio ngadto sa vaccine cluster osa Davao City COVID-19 Task Force ang sugyot ni Davao Archbishop Romulo Valles nga gamiton ang mga simbahan isip sites alang sa mass vaccination program sa gobyerno.
Una ng gibutyag ni Mayor Inday nga maayo sab nga gamiton ang mga simbahan sa ipatuman nga inoculation program gumikan kay mas lapad ang lugar ug adunay maayo nga lingkuranan.
Sa kasamtangan, ang COVID-19 vaccination sites sa siyudad ang gilangkuban sa SM City sa Ecoland, SM Lanang Premier, public schools, ug hospitals.
Una na sba nga gibutyag ni Dr. Josephine Villafuerte, head sa vaccination cluster sa siyudad nga mas daghanan pang vaccination sites ang plano nga ipatuman sa dakbayan.
Padayon sab ang panawagan niini sa mga senior citizens, nga magpabakuna ug moadto sa pinakaduol nga district health center kung buot sa mga nahisgutan ang US-based Pfizer-BioNTech kaysa sa uban nga mga brands.
Gibutyag sab ni Mayor Inday nga target sa dakbayan nga mabakunahan ang 1.2 million ka mga indibidwal aron nga maangkon ang herd immunity.
