Mayor Sara seryoso nga muoban sa mga biyahe sa amahan aron nga kalikayan ang ‘kissing scandal’

DAVAO CITY – Seryoso sumala pa si Davao City Mayor Sara Z. Duterte-Carpio sa ilang naunang pahayag nga ubanan niini ang iyang amahan kung aduna kini biyahe sa langyaw’ng dapit gamit ang iyang kaugalingon nga salapi.

Himuon sumala pa niya kini aron nga malikayan ang away tali sa mga supporters ug non-supporters sa iyang amahan.

Matud pa kang Mayor Sara nga andam siya nga mogasto aron lamang mapugngan ang pagpanghalok sa iyang amahan atubangan sa publiko.

Kahinumduman nga daghanan ang misaway sa Pangulo dihang gihalokan niini ang usa ka Pinay sa lips atol sa iyang pagbisita sa Filipino community sa South Korea.