DAVAO CITY – Naglaom si davao city Mayor Inday Sara Duterte Carpio nga mahunong na ang insurhensya sa Paquibato district ning syudad gumikan sa sunod-sunod nga pag-surrender sa mga opisyal sa rebelding kalihukan.
Niadtong milabay nga adlaw naghimamat sila mayor Inday Sara ug ang kanhi secretary sa NAP Guerilla front 55 nga si Arian Jane Ramos alyas Marikit aron hisgutan ang mga peace initiatives.
Gumikan sa maong kalambuan gipasalig ni Mayor INday Sara nga hingpit nga ipatuman sa maong dapit ang tanang mga programa ug proyekto alang sa peace and development alang sa mga Lumad.
Tumong sa maong panagtagbo nga magamit ang potential ni Marikit alang sa hingpit nga kabag-uhan sa Paquibato district ngadto sa usaka kalinawong komunidad human gisugdan niini ang paghatag ug mahinungdanong mga impormasyon ug suhistyon alang sa malungtarong kalinaw sa nahisgutang dapit.
kahinumduman nga misurender si Marikit niadtong bulan lamang sa Agosto niining tuig kasamtangan human ang pila ka tuig nga pagpabilin sa kalihukan kauban ang iyang namatay nga bana nga si Ka Rommel sa kabukiran sa Paquibato.
Nasayran nga una mipasakop sa armadong kalihukan, si Marikit ang usaka scholar sa UP-Mindanao nga mikuha sa kursong Bachelor of Arts major in Communication Arts.
Niadtong 2012, misalmot si Marikit sa grupong Gabriela Youth isip tungog sa mga kabataan ug mipasiugda sa mga mass rally nga mikondina sa gobyerno. Nasayran nga nalambigit si Marikit sa moabot 22 ka mga engkwentro tali sa kasundakuhan.
