DAVAO CITY – Nagsilbi una karon isip acting Mayor sa lungsod si Davao City Vice Mayor Sebastian Duterte human nga miadto sa Singapore si Davao City Mayor Inday Sara Duterte-Carpio.
Gikanayong alas nuebe sa buntag kagahapon dihang miabot si Mayor Inday sa NAIA Terminal 2 sakay matud pa sa Philippine Airlines (PAL) flight ug midiretso sa Ninoy Aquino International Airport (NAIA) Terminal 3 sa Pasay City.
Pasado alas dos na sa hapon dihang misakay si Mayor Inday sa Singapore Airlines flight (SQ-917) diin mi-agi kini sa boarding gate no.115 sa terminal.
Kahinumduman nga miadto na sab ug Singapore ang Mayor kaniadtong bulan sa Oktubre sa milabay nga tuig nga nag-file kini sa iyang medical leave.
Gikanayong kauban sa Mayor ang iyang anak, assistant ug usa ka miyembro sa Presidential Security Group (PSG). Magsugod ang leave sa Mayor kagahapon, Abril 6 hangtud Abril 10 ning tuig kasamtangan.
