DAVAO CITY – Gitawag ni Davao City Mayor Inday Sara Duterte-Carpio nga “inaacurate” ang lakang hagiton ang usa ka tawo nga magpabakuna ug una aron masayran kung epektibo ba ang Covid-19 vaccine.
Kini ang tubag sa Mayor dihang gipangutana kung andam kini nga magpatuplok sa higayon nga aduna nay mapalit nga bakuna. Bisa nga wala direkta nga gitubag sa Mayor ang pangutana apan gibutyag niini nga ang luwas ug epektibo nga bakuna masulayan kung mopailalom kini sa clinical trial ug nakakuha ug pag-apruba gikan sa Food and Drug Administration (FDA) ingon man sa Department of Health (DOH).
Nanawagan na lamang ang Mayor sa publiko nga mobasa ug mga artikulo o mosalmot ug mga forums aron nga matabangan ang mga nahisgutan nga makadesisyon kung kinahanglan nila nga magpabakuna.
Una na sab nga gibutyag sa Mayor dili pa lamang dugay nga nakiglambigit ang lokal nga kagamhanan sa usa ka vaccine-makers aron nga maka-access sa bakuna sa higayon nga aprubahan kini sa national government.
