DAVAO CITY – Gitambagan ni Davao City Mayor Inday Sara Duterte – Carpio ang mga dabawenyos nga dili magpataka ug post sa social media ug motuo lamang sa official facebook page sa lokal nga kagamhanan kung adunay buot masayran nga mga anunsiyo.
Tipik lamang ang pahayag sa Mayor human nga mikatag sa social media nga ibalik pagpailalom ang dakbayan sa Davao sa City Wide lockdown gumikan sa nagkataas nga ihap sa mga nataptan sa Covid-19.
Una ng gitino sa Mayor nga sayop ang gipakatag nga impormasyon nga magsugod ang City wide lockdown sa Oktubre 29 hangtud Nobyembre 4 sanglit ang nahisgutan nga petsa mao ang pagdili lamang sa pag-adto sa mga sementeryo aron malikayan ang pagdasok sa mga tawo.
Mipahigayon na sab karon ang Davao City Police Office (DCPO) aron masubay kung si kinsa ang mipakatag sa sayop nga mga impormasyon.
