DAVAO CITY – Gitino ni Davao City Mayor Inday Sara Duterte-Carpio nga wala pa siya’y gibati nga sintomas sa Corona Virus Disease (Covid-19) luyo sa iyang pagpailalom karon sa quarantine sulod sa ilang panimalay.
Tipik lamang kini human nga gi-angkon sa Mayor nga aduna siyay nakahimamat nga mga tawo nga posibleng nakahinabi sab ang usa ka resource person sa senado nga nagpositibo sa Covid-19.
Sumala sa Mayor mas nabalaka lang siya sa uban nga tawo gumikan kay wala kini “sense of urgency” ug pilosopo na ang mga tubag sa gipagula nga guidelines sa dakbayan batok sa corona virus disease (covid-19).
Gitataw sa Mayor nga ang gipagula nga mga guidelines dili lamang kini kaayohan sa usa ka tawo kung dili alang sa tanan hinungdan nga kinahanglan motamud aron nga malikay angh pagkuyanap sa virus.
