DAVAO CITY – Pangunahan ni Davao City Mayor Sara Duterte-Carpio ang soft opening ug blessing sa Lingap Para sa Bayan, usa ka interagency one-stop shop office nga temporaryong nahimutang sulod sa Lingap Para sa Mahirap building atubangan sa Southern Philippines Medical Center (SPMC).
Motambong sab sa opening ang mga partner agencies sa local government of Davao sama sa Department of Social Welfare and Development (DSWD), Philippine Charity Sweepstakes Office (PCSO), ug Philippine Health Insurance Corporation.
Matud pa kang City Social Services and Development Office (CSSDO) Maria Luisa T. Bermudo, nga tumong sa one-stop shop mao ang paghatag ug hinanali nga assistance sa mga nanginahanglan nga mga pasyente sa SPMC. Pinaagi sumala pa sa Lingap Para sa Bayan office, motabang ang mga social worker staff sa mga pamilya o kabanay sa mga pasyente sa higayon nga matapos na ang pag-assess niini sa mga dokumento.
Magpabilin sumala pa ang inter-agency program sa maong area hangtud nga matapos ang gitukod nga P25 million Lingap Para sa Bayan building.
