DAVAO CITY – Gitahasan ni Davao City Mayor Sara Duterte ang COVID-19 Task Force sa Dakbayan nga magmugna og bag-ong mga estratehiya aron mga mapapaspas ang pagpabakuna sa Dakbayan.
Sumala niya, gimanduan sila sa Department of the Interior and Local Government kon DILG nga kinahanglang makab-ot sa mga LGU ang herd immunity ayha mahuman ang kasamtangang tuig.
Dakong suliran sa lokal nga panggamhanan ang mga sektor nga nagamagahi gihapon sa pagpabakuna tungod sa kahadlok o sa tinuohan sa relihiyon.
Gitakda sa Davao City LGU ang Nobyembre 15 isip target date nga makab-ot ang 1.2 million vaccinated individuals sa Dakbayan, apan ang vaccination cluster mismo ang namahayag nga dili kini makab-ot sa maong petsa.
Kasamtangang nagahimo ug education campaign kalabot sa pagpabakuna ang lokal nga panggamhanan, ilabi na sa mga IP sa Marilog District, diin daghan ang mga dili magpabakuna tungod ginapugngan sa labaw sa ilang simbahan.
Sa karon, anaa na sa kapin 909 thousand Davaoeños ang partially-vaccinated na, samtang kapin 836 thousand na ang fully-vaccinated.
