DAVAO CITY – Padayon karon nga gipailalom sa isolation si Montevista Mayor Eutropio Jayectin, homan niini gikumperma nga nagpositibo kini sa covid-19 lakip na ang iyang asawa ug anak.
Matod pa sa mayor, bisan paman nga nagpositibo sila, misamot pa hinuon ang ilang naagi-an gumikan sa mga kritisismo ilabi na sa kalaban nila sa politika.
Gumikan niini, giawhag sa nahisgutang opisyal ang ubang empleyado sa lungsod nga mupailalom sa self quarantine, samtang gina-disinfect ang Municipal Hall.
Matod pa ni Mayor Jayectin, nagpositibo kini niadtong Oktobre 27 ug ang anak lalaki niini pipila ka adlaw homan sa pagsalmot niini sa usa ka programa nga gilusad sa sports complex lakip na ang ubang public appearances.
Gipaneguro sa nahisgutan nga magpabiling normal ang operasyon sa Munisipyo aron muhatag ug serbisyo sa katawhan.
