DAVAO CITY – Nadakpan sa usa ka hotel sa may Palma Gil Street ning dakbayan ang incumbent mayor sa Maguindanao nga nag-atubang ug kasong two counts of murder tungod sa krimen nga iyang nabuhat dose ka tuig na ang milabay.
Giila sa CIDG Regional Field Unit – Bangsamoro Autonomous Region in Muslim Mindanao ang akusado nga si Khaddafe “Toy” Mangudadatu, 44 anyos, incumbent mayor sa Pandag, Maguindanao.
Gitabang pa ug una sa usa ka hospital duol sa lugar si Mangudadatu gumikan sa paghuot sa ginhawa niini.
Kana pinaagi sa gahum sa warrant of arrest nga gipasaka batok kang Mangudadatu ni Judge Samina Sampaco Macabando-Usman, sa Regional Trial Court Branch 20 sa Tacurong City, Sultan Kudarat nga gipagula niadtong Setyembre 9, ning tuig kasamtangan.
Wala kini ipahamtak nga piyansa alang sa iyang temporaryong kagawasan.
Gitudlo ang nahisgutan isip usa sa mga suspetsado sa pagkamatay sa mag-tiayon sa Purok 6, Brgy. Sinakulay, President Quirino, Sultan Kudarat niadtong Oktuber 7, 2010.
Gikustodiya karon sa CIDG Regional Field Unit – BARMM ang nahisgutang akusado. Nahimong kaabag sa pag-aresto sa suspetsado ang mga sakop sa CIDG Davao CFU, Maguindanao Provincial Police Office, Sultan Kudarat Provincial Police Office ug Davao City Police Office.
VIA || Bombo LJ Florendo
