DAVAO CITY – Subli nga nagpagawas ug pahayag si Davao City Mayor Inday Sara Duterte human ang pagbatikos niini kang House Speaker Pantaleon Alvarez.
Sa official statement sa chairman sa Hugpong ng Pagbabago, gikanayon niini nga dunay pagtugot kang Pangulong Rodrigo Duterte ang pagmugna ug bag-ong partido kalakip ang upat nga mga provincial governors sa Davao Region nga sila Govs Antonio Rafael del Rosario sa Davao del Norte, Claude Bautista sa Davao Occidental, Nelson Dayanghirang sa Davao Oriental ug Jayvee Tyron Uy sa Compostela Valley.
Bisan ang paggamit sumala pa sa pulong nga “Hugpong” sa pangalan sa partido aprubado usab ni Pangulong Duterte.
Kahinumdoman nga mismong si Pangulong Duterte ang mimugna ug nanguna sa “Hugpong sa Tawong Lungsod” nga partido niini sukad pa nga mayor pa kini sa Davao.
Gipahibalo na usab sumala pa sa presidential daughter nga dili kini mu-apil sa PDP Laban nga partido ni Alvarez.
Bisan ug gikanayon sa House Speaker nga gi-respeto niini ang gimugnang partido sa alkalde apan dismayado kini human nga gikanayong pagpakita lamang sumala pa ang nasampit nga partido nga kaylap ang political dynasties.
Dugang pa ni Mayor Sara, kung tumong sumapa pa sa Speaker na bweltahan ang pagpaningkamot nini nga muhimo ug makahuluganon alang sa Davao Region ug produkto kini sa political dynasties, mas maayo sumala pa nga ipasar na niini ang Anti-Political Dynasty Law.
