Mayor Inday Sara, mihangyo sa CENRO sa padayong pagsuporta sa mga aktbidad sa dakbayan

DAVAO CITY – Mihangyo si Davao City Mayor Inday Sara Duterte-Carpio ngadto sa mga miyembro sa City Environment and Natural Resources (CENRO) nga ipadayon lamang ang suporta sa lokal nga panggamhanan ilabi nga aduna pay mga dagkong aktibidad nga ipahigayon sa siyudad ilabi na karung bulan sa Marso nga gilangkuban sa Araw ng Dabaw ug Iron Man triathlon event.

Kahinumduman nga nakig-boodle fight kagahapong adlawa sa People’s Park ning siyudad ang Mayor ngadto sa mga empleyado sa CENRO isip pagpasalamat sa mga nahisgutan sa dakong tabang nga ilang nahimo ug sa ilang kontribusyon sa kalampusan sa pag-host sa siyudad sa DAVRAA 2018 sa milabay nga semana.