DAVAO CITY – Gitambagan karon ni Davao city Mayor Inday Sara Duterte ang katawhang dabawenyo nga sayo moduaw sa mga sementeryo.
Gikatarungan sa Mayor nga kini aron makalikay sa daghang mga tawo nga magpunsisok atol sa kalag-kalag karong Nobyembre 1 ug Nobyembre 2.
Dugang pa ni Mayor Inday Sara nga karon pa lang daan angayang maghinay-hinay na ug bisita ang mga tawo sa ilang mga mahal sa kinabuhi nga namatay ug gipang-lubong sa lain-laing mga sementeryo sa syudad ug dili na makig-dasok pa sa daghang mga tawo gikan sa Oktobre 31, Nobyembre 1 hangtud Nobyembre 2, ilabi na kadtong mga magdala ug bata, mga tawo nga adunay sakit, mga senior citrizens ug mga buntis.
Samtang, iangkon ni davao city Police office Director Col Kirby John Kraft nga usaka dakong hagit sa kapulisan kung pa-unsa mapatuman ang basic health protocols sa mga sementeryo atol sa kalag-kalag.
Hinuon, gikanayon ni Kraft nga wala pay nadawat nga mensahe ang kapulisan kung did-an ba o dili ang katawhan nga moadto sa sementery sa Nobyembre 1 ug 2.
Dugang pa ni Kraft nga karon, bugtong gihimo sa DCPO mao ang pagpangandam sa seguridad nga ipatuman sa mga sementeryo sa syudad atol sa kalag-kalag subay na usab sa kamanduan gikan kang Davao city Mayor Inday Sara Duterte – Carpio.
