DAVAO CITY – Gidasig ni Davao City Mayor Inday Sara Duterte-Carpio ang mga opesyal sa kabarangayan sa dakbayan sa Davao nga mosalmot sa anti-terror drills.
Ang Southern Storm Drills, usa ka series sa anti-terror exercises nga sulayan sa pagpatuman sa dakbayan karong bulana.
Gi-awhag ang pagsalmot sa mga barangay official gumikan kay ang simultaneous exercises nanginahanglan nga i-lockdown sa dakbayan ug ang mga sakop sa komunidad gikinahanglan nga mapahibalo sumala kang Mayor Inday Sara.
Gidawat sab sa kagamhanan ang inisyatibo sa security authorities alang sa pasiuna nga anti-terror exercises sa dakbayan, gumikan kay mosulay kini sa inter-agency ug sa community preparedness ug pagtubag sa kaluwasan atol sa terror attack ug uban pa nga emergencies.
Ang anti-terror drill, nga ipatuman sab sa uban pa nga mga urban areas sa nasod ang salmotan ug respondihan sa magpaka-aron ingnon nga Philippine National Police (PNP) ug Armed Forces of the Philippines (AFP) panahon s terror attack.
Ang Bureau of Fire Protection ug ang Office of Civil Defense ang musalmot usba sa maong drill.
Ang hatagan ug pagtagad alang sa Southern Storm Drills mao ang mga mahinungdanon nga imprastraktura ug pasilidad sa dakbayan lakip na niini ang Davao International Airport ug coastal area nga gikonsidera nga usa sa mga entry points sa syudad.
Gipasabot ni Mayor Inday unsa ka mahinungdanon nga andam ang syudad sa bisan unsang panghitabo labi pa nga ang dakbayan nakasinati na ug insedente sama na lamang sa Roxas Night Market.
