DAVAO CITY – Gipasalamatan ni Davao City Mayor Sara Duterte-Carpio ang tibuok security cluster ug mga kapulisan sa Davao City Police Office (DCPO) alang sa kalampusan sa security coverage atol sa paghinumdom sa semana santa nga natapos kagahapong adlawa, Abril 21.
Sumala pa kang DCPO director Police Colonel Alexander Tagum nagpadala ang city mayor ug mensahe ug gipasalamatan niini ang tanan nga mga otoridad ilabi na ang pagbantay sa mga pampublikong ilabi na ang mga simbahan.
Gitataw ni Tagum nga ang pahayag sa Mayor nagpasabot lamang nga nakita niini ang ilang pagpaningkamot ug makapalig-on kini sa ilang morale sa paghatag ug serbisyo sa ilang mandato aton nga protektahan ang mga Dabawenyos gikan sa bahad sa terorismo ug kriminalidad.
Gikanayong gawas sa aksidente nga pagbusikad sa ilang kampo, wala na matud pay dagkong insidente nga nahitabo atol sa semana santa.
Pipila sab sa mga uniformed personnel ang gipakatag sa mga pampublikong lugar sama sa terminal, tugpahanan, airport, pantalan, tindahan, malls ug simbahan ingon man tourist destinations nga gidagsa sa mga tawo.
