DAVAO CITY – Sa higayon nga mahatagan ug kahigayonan, andam sumala pa si Davao City Mayor Inday Sara Duterte-Carpio nga magpapili sa bisan unsa man nga posisyon sa mosunod nga tuig.
Kahinumduman nga miadto sa buhatan sa Commission on Elections (Comelec) ang Mayor aron nga motambong sa hearing kalabot sa ilang giduso nga petisyon alang sa ilang bag-ong gimugna nga partido nga Hugpong ng Pagbabago (Alliance for Change).
Dungan niini, nanghinaut ang alkalde nga ilhon ang ilang regional political party dinhi sa dakbayan. Apan gibutyag ni Mayor Inday nga sa kasamtangan, wala pa silay desisyon niini ug magdepende sumala pa kini sa ilang mamahimong kalaban, depende sa salapi, availability sa pundo ug depende sa winnability.
Gani nagti-aw pa ang opisyal nga andam siya nga magpapili isip bise presidente sa nasud.
Gitino sab niini nga wala sumala pay political advice nga gihatag kaniya ang iyang amahan nga si Pangulong Rodrigo Duterte kung magpapili man sila sa 2019 ug 2022 elections.
