DAVAO CITY – Mapasalamaton si Lilu-an Cebu Mayor Christina Garcia Frasco, tigpamaba ni Davao City Mayor Inday Sara Duterte-Carpio sa mga mihatag o mitoo sa abilidad ni Mayor Inday ug mas maayo sumala pa nga suportahan na lamang kini sa kung unsa man ang iyang plano sa nagsingabot nga eleksiyon sa 2022.
Una ng gibutyag sa nahisgutan nga posibleng magpapili pagbalik si Mayor Sara sa iyang posisyon sa pinili-ay ilabi na nga wala pa natapos ang iyang termino.
Gikanayong tin-aw sumala pa ang baruganan sa Mayor nga dili magpapili sa mas taas nga posisyon kung adunay lain nga kabanay niya ang mokandidato niini pinasikad sa ilang nasabutan.
Una ng gibutyag ni Mayor Inday nga kung moabot na ang filing sa certificate of candidacy, wala matud pay mahitabo nga switching sa pagduso ug kandidatura susama sa gihimo sa iyang amahan kaniadto.
Kahinumduman nga daghanan ang nagtoo nga posibleng taktika lamang kini ug posibleng aduna pay mahitabo nga kausaban ayha ang mismong adlaw sa filing sa COC sa bulan sa Oktubre.
