DAVAO CITY- Gikatakda sumala nga mobalhin si Davao City Mayor Inday Sara Duterte-Carpio sa Temporary Treatment and Monitoring Facilities (TTMF) sa siyudad human kini mipailalom sa 14 day home quarantine gumikan kay mibiyahe kini sa Singapore sa milabay nga semana.
Sa kasamtangan, gisubay lamang una sa Mayor ang dagan sa operasyon sa TTMF ug paunsa pangandaman sa mga personahe niini ang panginahanglanon sa ilang mga pasyente.
Himuon kini sa Mayor gumikan kay buot sab niya nga masubay kung tinuod ang iyang nadawat nga mga reklamo sa mga pasyente nga una ng gipahimutang sa nahisgutan nga pasilidad.
Kahinumduman nga mibiyahe ang Mayor sa Singapore kaniadtong Abril 6 hangtud 10 alang sa personal health management hinungdan ang igsuon niining si Vice Mayor Sebastian Baste Duterte ng milingkod karon isip acting Mayor sa siyudad.
