DAVAO CITY – Gitambagan ni Davao Mayor Inday Sara Duterte ang publiko nga pahimuslan ang gitanyag sa lokal nga kagamhanan partikular na kadtong nakasinate ug mga sintomas sa coronavirus disease 2019 (Covid-19) ang libre ug voluntary reverse transcription-polymerase chain reaction (RT-PCR) test.
Mas maayo sumala pa nga moadto gilayon sa Southern Philippines Medical Center (SPMC), Tomas Claudio Health Center ug Davao One World Diagnostic Center ang mga buot mopailalom sa maong test ilabi na kung adunay bati-on sama sa ubo, kalintura, sore throat, ug diarrhea.
Aduna sab sumala pay option diin mamahimong mohangyo ang pasyente sa City Health Office medical personnel nga maoy mopahigayon ug swab testing sa ilang panimalay kung mahadlok kini nga ma-expose sa virus kung moadto sa laboratories.
Tumong sa maong lakang nga mapalig-on pa ang case-finding sa siyudad aron masubay ang mas daghanang positive Covid-19 cases ug mapugngan ang posibleng pagkatag sa corona virus.
