DAVAO CITY – Magkahiusa, kini ang panawagan ni Vice presidential aspirant ug Davao City Mayor Sara Duterte-Carpio human ang pag-withdraw ni Senator Christopher Lawrence “Bong” Go sa iyang kandidatura pagka-Pangulo alang sa nagsingabot nga eleksiyon sa mosunod nga tuig.
Una ng gibutyag ni spokesperson Liloan, Cebu Mayor Christine Frasco nga nagtoo si Mayor Inday nga kini ang dalan aron magkahiusa kauban ang BBM-Sara Uniteam aron nga magmalapuson sumala pa sila sa ilang mga laraw alang sa nasod.
Sumala sa Mayor nga sukad gumala pa nila gilunsad ang iyang kandidatura pagka Bise Presidente sa Pilipinas, nanawagan kini sa tanan ug suporta sa administrasyong Duterte aron nga mapalapdan pa ang mga maayong nasugdan sa iyang amahan.
Angayan na lamang sumala pa karon nga respetuhon ang nahimong desisyon ni Senator Bong Go nganong kinahanglan nga mi-atras kini sa iyang kandidatura.
Kahinumduman nga ka-tandem karon ni Mayor Inday si kanhi senator Ferdinand “Bongbong” Marcos Jr. alang sa 2022 poll ilalom sa Uniteam alliance nga gimugna sa Partido Federal ng Pilipinas (PFP), Lakas-Christian Muslim Democrats (Lakas-CMD), Hugpong ng Pagbabago (HNP), ug Pwersa ng Masang Pilipino (PMP).
