DAVAO CITY – Gikanayon ni City Councilor Danilo Dayanghirang, convenor sa Sara All 2022 nga dili mosugot ang ilang grupo kung dili mokandidato sa pagka-Pangulo si Mayor Inday Sara Duterte-Carpio.
Sa kasamtangan, gipahimangnoan na sab nila ang ilang mga miyembro nga likayan lamang una ang pag-adto sa Comelec sa Manila kini base na sab sa kamandoan ni Mayor Inday ilabi na nga nagpabilin pa ang bahad sa Covid-19.
Gikanayong wala na matud pay nakita ang ilang grupo nga mohulip kang Pangulong Rodrigo Duterte kung dili si Mayor Inday lamang kini aron nga mapadayon ang mga nasugdan sa iyang amahan ilabi na ang pagpatuman sa mga imprastraktura.
Gikanayon sab ni Dayanghirang nga nagkahinabi sila ug personal ni Mayor Inday ug emosyonal niini nga gipa-ambit nga dili unta siya mobiya sa dakbayan aron nga magpadayon sa iyang responsibilidad apan tungod sa panawagan sa mga tawo, naka-desisyon na lamang kini nga magpapili sa eleksiyon.
