DAVAO CITY – Gikanayon ni Davao City Mayor Inday Sara Duterte-Carpio nga wala matud pa nila nahisgutan ni Presidential aspirant ug kanhi Senator Bongbong Marcos ang disqualification niini.
Samtang mi-alma sab si Mayor Inday sa mga migula nga impormasyon nga siya matud pa ang mohulip kang Bongbong ug dili sumala pa kini maayo sanglit susama pa man sila nga wala pa midaug sa eleksiyon.
Dili sumala pa buot ni Mayor Inday nga muabot ang scenario nga ma-diskwalipika si BBM ayha o pagkahuman sa eleksiyon.
Gani gikanayon pa ni Mayor Inday nga wala sumala pay igong basehan ang mga kaso nga giduso batok kang Marcos ug gipaluyohan lamang kini sa mga anti-Marcos forces nga maoy buot mokontrola sa nasud ug wala naghuna-huna nga mao kini ang hinungdan nga matunga ang mga tawo, wala gihuna-huna nga gidaut na ang kagawasan ug gipanghimaraut ang balaod sa nasod.
Kahinumduman nga daghanang mga indibidwal ang miduso ug reklamo sa Comelec diin buot sa mga nahisgutan nga dili mahilakip si Marcos sa mga mamahimong kandidato sa eleksiyon.
