DAVAO CITY – Mihatag ug katin-awan ni Davao City Mayor Inday Sara Duterte Carpio nga mamahimong makagawas o makasulod sa dakbayan sa Davao apan alang lamang kini sa essential purposes ug dili tugtan kadtong mobisita, magsuroy-suroy ug daghanan pa.
Una ng gikumpirma ni Mayor Inday nga dili na kinahanglan pa nga mo-presenta ug travel pass, confirmation pass, letter of acceptance, travel authority ug daghanan pa sa higayon nga mosulod sa lugar nga gipailalom sa GCQ.
Sa higayon nga ang usa ka lugar mangayo ug pass, mamahimo sumala pa nga i-presenta niini ang printed copy sa IATF Omnibus Guidelines kalabot sa biyahe ilalom sa GCQ.
Gikanayong ang Information sa entry ug exit sa Davao ingon man travel guidelines nga nakabase sa Inter-Agency Task Force (IATF) Omnibus Guidelines mamahimong ma-access sa Davao City government Facebook page. Kalakip sab sumala pa sa maong polisiya nga ang moabot nga mga indibidwal kinahanglan nga mopailalom sa health screening sa higayon nga maabot.
Ang mga biyahedor ang i-assess kung kinahanglan ba kini nga dad-on sa Southern Philippines Medical Center (SPMC) aron nga ipailalom sa real-time reverse transcription-polymerase chain reaction (RT-PCR) testing o bisan unsa man nga Quarantine Facilities o kinahanglan nga modiretso sa 14-day mandatory home quarantine.
Unod sab sumala pa sa guidelines nga ang entry sa GCQ areas adunay time limit nga magsugod sa alas otso sa buntag ngadto na sa alas kuwatro sa hapon gikan sa Lunes hangtud na sa Sabado gumikan sa limitado nga qualified health personnel nga magpahigayon ug health screening.
