DAVAO CITY – Gikumpirma si Davao City Mayor Inday Sara Duterte-Carpio nga siya mismo ang nag-endorso sa City Council nga himuong legal ang online sabong kini gumikan kay makahatag kini ug dugang revenue sa siyudad.
Kahinumduman nga nakadesisyon ang lokal nga kagamhanan nga paubsan una ang pipila ka mga bayrunon sanglit apektado sab kini sa Covid-19 pandemic hinungdan nga nangita matud pa karon ang siyudad ug lain pang butang mamahimong maka-generate ug revenue.
Gikanayong dakong tabang kung himuon nga legal ang online sabong ilabi na nga dili sumala pa masaligan ang uban nga sources sa lokal nga kagamhanan sanglit daghan ug apektado sa pandemiya.
Ipatuman sab sumala pa ang paghimong legal sa sabong gumikan kay daghanang mga indibidwal karon ang masikop sa otoridad gumikan sa maong aktibidad bisan nga hugtanon kini nga gidili gumikan kay mamahimong hinungdan kini sa transmission sa virus gumikan sa pagtapok-tapok.
