Mipatim-aw sa pagdungog sa senado kagahapong adlawa si Mayor Liseldo Calugay, human nga gipadad an kini ug subpoena.
Gipatawag kini sa senado gumikan sa mga taho usab nga nadawatan sa maong komite kalabot sa kalambigitan niini sa POGO.
Nahimo sab nga adunay natigayong tensyon sa maong pagdungog human nga gipangutana ni Sen. Estrada si Calugay, kalabot sa pag-absent niini sa nakalabay nga sesyon.
Gidudahan sumala pa kini ni Estrada nga nakig-inum sumala pa ang maong mayor niadtong adlawa kung diin gipahigayon ang maong pagdungog sa senado, sukwahi iyahanag sa pasumangil nga gi-dengue matud pa kini.
Gipaklaro sab ni Calugay, nga ang larawan nga mikatag nga diin makita siya nga anaa sa usa ka social event, maoy nakuha sa maong litrato ayha kini nagkasakit.
Midugang sab sa maong tensyon si Sen. Joel Villanueva sa dihang gipangutana niini kung mga managtrato ba kini sa POGO.
Apan hingpit nga gilimod kini ni Calugay nga adunay romantikong kalabigitan sila ni Alice Guo ug gikanayong wala silay relasyon niini.
