Giklaro ni Davao City Mayor Sebastian “Baste” Duterte nga napamatud-an niini nga si PBGen. Nicolas Torre usa ka professional liar.
Atol sa paghinabi niini, gikanayon sa maong Mayor nga napamatud-an niya sumala pa nga ang maong nasampit nga General maoy usa ka professional liar, gumikan mamakak gayud kini samtang anaa pay higayon nga mamakak.
Gilambigit kini ni Baste ang pagpamatuod nga usa gayud ka professional liar si Torre, kaniadtong nagpahigayon ug drilling operation ang kapulisan sulod sa KOJC Compound, ug una nang gilimod kana ni Torre gumikan kaya sumala pa niya nga mag edit ug susamang litrato sa photoshop nga nag kubkub ilawom sa JMC basement.
Apan nausab ang iyahang timpla sa iyahang istorya human nga nagpahigayon ug ocular inspection ang Senado sulod sa KOJC compound, ug giangkon na ni Torre nga nagapahigayon gayud sila ug illegal excavation sulod sa KOJC compound ug proud pa kini.
Dugang pa sa Mayor nga iyaha usab gikutlo ang una nang gikanayon ni Torre kaniadto nga usa siya ka propesyunal nga pulis ug gidungagan sab sa Mayor nga si General Torre sumala pa usa ka Professional Liar ug kana napamatud an na gayud niya.
