Nanawagan si Davao City Mayor Sebastian Baste Duterte, ngadto sa mga dabawenyo ug sa mga tawo nga nagasuporta kanila, nga kinahanglan sumala pa nga magpabiling magmaigmat kanunay.
Gibutyag sa Mayor nga daw susama na ang nahitabong kagubot kaniadto sa panahon sa amahan ni Pangulong Bongbong Marcos Jr., diin daghan ang mga kagubot nga natigayon human nga mideklara kini og martial law kaniadtong mga panahona.
Apan, gipaklaro sa Mayor nga mas arang-arang na lamang sumala pa karun, apan dili sab matud pa mahimong magkumpyansa ang katawhan.
Dugang pa niini nga kinahanglan sumala pa nga mahimong magbinantayon ug mag-obserba sa palibot, labot sa mga nagakahitabo karun, hilabi na ngadto sa natad sa politika.
Gisaysay pa niini nga laraw matud pang sundogon sa Pangulo ang pamaagi niini sa panggobyerno sa iyahang amahan nga si Marcos Sr., rason nganong ingun ani na sumala pa ang kahimtang sa nasud karun.
