Nagpadayag og pasalamat si Mayor Sebastian “Baste” Duterte ngadto mga dabawenyo gumikan sa ginapakita niining suporta sa lokal nga panggamhanan.
Atol sa State of the City Address sa mayor kagahapon, gipasalamatan niini ang katawhan sa dakbayan hilabi pa sa disiplina nga ginapakita niini ug pagsunod sa mga balaod diin nakatampo sa maayong impresyon ug pag-ila sa dakbayan.
Sumala pa ni Baste, nahimong hapsay ug malinawon gihapon ang dakbayan gumikan sa suporta ug partisipasyon sa mga dabawenyo luyo paman sa mga nasinatiang isyu karong panahona.
Kahinumduman nga daan nang gikabutyag sa mayor nga dili mamahimong maguba ang maayong nasugdan sa Davao City gumikan collective efforts ang tinubdan niini.
Sa pikas bahin, gitagaan usab og pag-ila sa mayor ang mga paningkamot sa mga kapulisan lakip na ang ubang ahensya aron nga magpabiling insurgency-free ang syudad.
Samtang, namatikdan usba sa katawhan ang wala pagsipot ni PBGen. Nicholas Torre III ug DCPO City Director PCol. Hansel Mrantan sa moang SOCA.
Hinoon, nahisgutan ni Mayor Baste sa iyang mensahe nga tagaan matud pa og tyansa si Acting City Director P/Col. Hansel Marantan nga buhaton ang iyang parte sa pagseguro sa peace and order sa Davao City.
