Gibatikos ni Davao City Mayor Sebastian Baste Duterte ang mga politiko nga naga protekta ngadto sa nagagamit og ginadili nga droga, inay nga batokan ang mga tawo nga nalambigit niini.
Nabantayan sab sa Mayor nga nabaliktad na matud pa ang sitwasyon, gumikan mas ginapalabon matud pa ang tawhanong katungod sa mga drug addict, inay nga sa mga inosenteng indibidwal nga mabiktima sa maong iligal nga droga.
Kahinumdumang abtik sumala pa ang taga Commission on Human Rights nga siya paimbestigahan, labot sa iyahang pagdeklara og war on drugs uban ang Davao City Police Office kaniadtong mga nakalabayng bulan, diin miresulta sa sunod-sunod nga pagkamatay sa pito ka mga indibidwal nga gikaingong misukol sa mga otoridad samtang ginapahigayon ang buy-bust operation sa mga kapulisan.
Gitawag sab ni Baste ang mga opisyal sa gobyerno nga nagapanalipod lamang sa katungod ngadto sa mga adiktus ning katilingban nga mga “narcopoliticians” gumikan nagaproktekta matud pa sila sa mga indibidwal nga nalambigit sa ginadiling droga.
