Giklaro ni Davao City Mayor Sebastian Baste Duterte, labot sa kontrobersyal nga confidential funds.
Gikwestiyon niini ang ginapahigayong mga pagpangduut ngadto sa confidential funds sa OVP, gumikan gikatingad-an niini sa mayor nga ang buhatan lamang sa Bise Presidente ang ginaingun-ani ug wala ang uban.
Gitataw sab niini ang kamahinungdanon labot sa transparency ug accountability sa tanang posisyon sa gobyerno, gikan sa pinakalabaw nga opisina, hangdtod ngadto sa pinakaubos diin mao ang mga local officials.
Gibutyag sab ni Baste, nga aduna matud pay political bias ug double standards ang ginahimo sa kasamtangang administrasyon karun, labot sa paghatag og pagtagad sa mga isyu, diin maoy ilahang ginapakitang kinaiya ngadto sa katawhan.
Gipanawagan niini ngadto sa gobyerno nga kinahanglang patas kini mutratar ngadto sa mga nagkadaiyang buhatan ilawom sa iyahang pagdumala.
Lakip sab sa gihisgutan sa Mayor ang nahimong pagpamulitika sa mga pipila ka mga politiko, nga unta undangon na kini ug mag focus na lamang ngadto sa pagtabang sa mga Pilipino nga nanginahanglan sa tabang sa gobyerno.
