DAVAO CITY – Subling gibatikos ni Davao City Mayor Baste Duterte si Senator Bong Go sa sumala pa paggamit sa iyahang amahan nga si kanhing Pang. Rodrigo Duterte, alang sa iyahang kaugalingong interes kon “own publicity.”
Nasayran nga una ng nagpost ang senador ug selfies kauban ang kanhing Pangulo human sa nahimong unang batikos niini atol sa Hakbang ng Maisug prayer rally gumikan sumala pa sa iyahang pagpakahilom kabahin sa mga isyu dinhi sa dakbayan sa Davao.
Gikanayaon sa batan-ong Duterte, “There is a time for everything and the time is now to stand against tyranny Mr. Bong Go,” kini ang iyahang gi-pist sa social media.
Giakusahan pa sa Mayor ang Senador nga perming naga-selfie kini sa mga aadunay ipanghatag nga mga ayuda alang sa kaugalingon nga publicity nga gidamay pa ang iyahang amahan.
Samtang gikwestyon sab niini ang kapasidad sa senador kabahin sa hisgutanang pulitika ug gani giawhag sab kini nga hinuklugan ang gipanghimo sa senador kung haom ba kini sa iyahang mga gipanghimo.
Wala pa matagbag si Mayor Baste gitawag niya ang senador ug usa ka pulong nga malaw-ay dayon mikutlo kini ug mga pulong sa giila nga Italian poet ug writer nga si Dante Alighieri nga nagkanayon, “The hottest places in hell are reserved for those who, in times of great moral crisis, maintain their neutrality.”
Samtang sa laing bahin, kalmado sab nga gitubag sa senador ang ulahing banat ni Mayor Baste ug gikanayon niini nga dunay panahon sa tanang butang ug dungan sa pagbutyag nga karong panahuna mas unahon niya ang kahimtang sa mga katawhang Pilipino.
