DAVAO CITY- Gitawag karon nga “senseless” ni Davao City Mayor Sebastian Baste Duterte ang pagpasaka og administrative case ni PBGen. Nicholas Torre III ngadto sa 100 ka mga kapulisan human matud pa nalambigit sa pagmanipula sa mga blotter reports dinhi sa syudad.
Sumala sa mayor, impossible ang maong alegasyon hilabi pa nga wala ginatolerate dinhi sa syudad ang mga susamang dili maayong kalihukan.
Alayon niini, gipunting na usab sa mayor ang gihimong mga basehan ni Torre sa pagpasaka og administrative case bisan paman wala kini pagtoon nga gi-agian.
Sa pikas bahin, dako og kumpyansa ang mayor nga dili matarog ang pag-ila sa dakbayan nga safest city sanglit collective efforts ang nakatampo sa maong recognition.
Matud pa nga dugay nga panahon na gipaningkamotan sa mga opisyal inubanan sa tabang sa mga dabawenyo ang pagpabiling safe sa syudad rason nga impossible ang pagpukan niini.
Kini alayon na usab sa mga nanggawas nga hungihong sa katawhan nga ginatestingan og guba ang peace and order sa Davao City.
Una nang gikabutyag ni Mayor Baste nga wala nangayo og konsultasyon ang mga gituboy nga bag-ong opisyal sa dakbayan rason nga namahala na lamang kini sa mga aksyon nga pagabuhaton niini.
Hinoon, dako og kumpyansa ang mayor nga dili maguba ang pag-ila sa syudad luyo paman sa mga isyu karong panahona.
