DAVAO CITY – Gikatakda na ang pagdungog sa kasong kidnap for ransom ubos sa revised penal code batok kang Edgar Matobato nga mao ang gitudlo nga reponsabli sa pagdagit ug pagpatay sa negosyanteng langyaw nga si Sali Makdum pipila ka tuig na ang nakalabay.
Sayo niining semanaha giduso ni Atty. Jude Josue Sabio, legal counsel ni Matobato ang ikaduha nga supplemental motion.
Ang motion to quash information ug ang pagpugong sa pagpagula sa warrant of arrest sa Regional Trial Court Branch 4.
Gikatakda ang pagtdungog sa nahisgutan nga motion sa buntag karong Pebrero 23.
Malaumon ang kampo ni Edgar Matobato nga mamahimong paborable kanila ang giduso nga reklamo nga giduso sa Ombudsman, diin gi-reklamo niini ang baynte uno ka mga police sa dakbayan ug si pangulong Rodrigo Duterte nga gika-ingong nahilambigit sa extras judicial killings.
Usa ka panel sa mga prosecutors ang gimugna aron nga motutok sa nahisgutan nga reklamo, kalakip na ang gika-ingon nga pagdagmal kang Matobato, aron lamang nga mo-angkon sa sala nga pagpatay.
Ang tulo ka mga panel of prosecutors sa Ombudsman mihimo na ug personal nga pagpanubay kang Matobato, ug gilauman nga makapagula ug mga rekementasyon human ang saisenta ka mga adlaw.
