DAVAO CITY – Nakatala ang siyudad Mati ug laing usa ka bag-ong kumpirmadong kaso sa Covid-19 infection kagahapong adlawa hinungdan nga misaka na sa lima ang kaso sa nahisgutan nga lalawigan diin upat niini ang nakarekober.
Gikanayong ang bag-o nga pasyente mao ang personahe sa Bureau of Jail Management and Penology sa Lupon, Davao Oriental apan nanimuyo kini sa Mati City.
Miabot sumala sa ilang panimalay sa Lupon ang nahisgutan kaniadtong Mayo 31 ug mipailalom sa home quarantine sa ilang panimalay.
Kaniadtong Hunyo 15 natapos ang iyang quarantine ug mipailalom kini sa rapid diagnostic test, kauban ang upat ka mga BJMP personnel nga nadestino sa Lupon.
Gikanayong lima ang nag-negatibo ug gihatagan ug clearance sa Mati Incident Management Team nga mobalik sa iyang trabaho sa Lupon.
Kaniadtong Hunyo 18, tanan nga mga personahe sa BJMP Lupon ang gipailalom sa RT-PCR swab test sa provincial government ug migula sa resulta kagahapon nga nagpositibo kini sa virus.
Sumala pa kang Mati IMT commander Dr. Ben Hur Catbagan Jr. nga ang bag-ong pasyente walay history of travel nga gawas sa probinsiya.
Posible sumala pa nga natakdan ang nahisgutan sa Lupon o sa Mati.
Nagpahigayon na karon ug contact tracing alang sa mga posibleng nakahimamat sa pasyente sa duruha ka mga lugar nga iyang gi-adtuan.
Gikanayong anaa na karon sa Alternate Care Site ang pasyente nga gikanayong asymptomatic.
